सेन्ट्रल फाइनान्स लिमिटेडले यस आवको तेस्रो त्रैमासमा रू. ३ करोड २४ लाख खुद नाफा कमाएको छ । कम्पनीले गत आवको सोही अवधिमा रू. ४ करोड ५३ लाख खुद नाफा कमाएको थियो । हालसम्म कम्पनीको चुक्तापूँजी रू. ८२ करोड ३३ लाख छ भने जगेडामा कोष रू. १४ करोड ३३ लाख छ । यो गत आवको सोही अवधिको तुलनामा २८ दशमलव ६९ प्रतिशत कम हो । चालू कम्पनीको निष्क्रिय कर्जा ३ दशमलव १६ प्रतिशत छ । कम्पनीको प्रतिशेयर आम्दानी रू. ५ दशमलव २६ छ भने प्रतिशेयर नेटवर्थ रू. १ सय १७ दशमलव ४१ छ । बुधवार कम्पनीको शेयरमूल्य प्रतिकित्ता रू. १११ छ । यस दिन कम्पनीको १ हजार ९२६ कित्ता शेयर कारोबार भएको छ ।

कम्पनीको ५९ दिनको कारोबार अवधिको मैनबत्ती विश्लेषणको अन्तिम दिनमा कालो मारुबोजु मैनबत्ती बनेको छ । यस्तो मैनबत्तीले कम्पनीको शेयरमूल्य आगामी दिनमा घट्ने संकेत गर्छ । आरएसआई न्युट्रल जोन ५३ दशमलव शून्य ९ विन्दुमा छ । यसले शेयर विक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १ दशमलव १६ विन्दुमा छ । उतारचढाव न्यून छ । यस्तो अवस्थामा कम जोखिम हुन्छ भने प्रतिफल पनि कम हुने गर्छ । त्यस्तै, कम्पनीको मुभिङ एभरेजमा २६ दिने औसत मूल्यरेखा र १४ दिने औसत मूल्यरेखा एकअर्कासँग टाढिएका छन् । हालको मूल्य यी दुई रेखाभन्दा माथि छ । बुधवारको शेयरमूल्य रू. १ सय ११ देखि बजारको अवस्था परिवर्तन भई मूल्य महँगिएमा रू. १ सय १३ मा प्रतिरोध पाउने र मूल्य सस्तिएमा रू. १०७ मा टेवा पाउने देखिन्छ ।

Source : http://www.abhiyan.com.np